المساعدة
الأسئلة المتكررة
شو الفكرة؟ شو اللي بنبيعه بالضبط؟
ببساطة، بنقدم علب فاضية مطبوع عليها أفكار لمنتجات غير حقيقية, مظحكة، غريبة، وغير متوقعة كـ مزحة!
شو ممكن تعمل بالعلبة الفاضية؟
هسه ممكن تهدي العلبة الفاضية زي ما هي, وتخلي صاحبك / صاحبتك تفتحها قدامكو وتشوفوا ردة الفعل لما يقرأوا المزحة المطبوعة على العلبة. وممكن كمان تخبي هدية فعلية جوا, يلاقوها بعد ما يتفاجأوا بالمزحة.
وشو الأسعار؟
هسه حسب حجم العلبة اللي بدك تطلبها, واذا بدك توصيل او استلام من شفا بدران, عمّان.
وين بنعمل علبنا؟
كل علبنا مصنعة ومطبوعة في الأردن. 'مزحة' حريصة على مشاركة المجتمع المحلي الأردني نجاحها.
شو بخصوص التوصيل؟ شو الموجود؟
عنا خيارين, الأول جدولة توصيل بعد أقل من أسبوع تكون الطلبية عندكو, وهذا اله سعره حسب المكان. الخيار الثاني, التوصيل الفوري خلال ساعات من الطلبية, أغلى لكن أسرع, ممتاز خصوصاً في الزنقات. في الخيارين, حيكون مطلوب منكم تحويل قيمة التوصيل قبل ما يتم التوصيل, وحيكون مبلغ غير مسترد.
كيف بنسعر التوصيل؟
بخصوص التوصيل الفوري, هذا برجع للشركات المحلية اللي بنتعامل معها زي PetraRide. السعر اللي بطلع على التطبيق, بنطلبه منكم زي ما هو. بخصوص التوصيل العادي, احنا بنحسب نيرة وحدة عن كل 5 كم من المسافة خارج منطقتنا - شفا بدران-.
ممكن نوصلها للي بدكو تهدوه العلبة مباشرة؟
احنا مش فارقة معنا, لكن هيك بتخرب الفكرة. الأحلى انتو تستلموا العلبة وتشوفوا الفكرة, ومثلاً تغلفوها وتهدوها للشخص المعني, وتتفرجوا عليه وهو / هي بفتحوا التغليف وبشوفوا المزحة اللي على العلبة.
وإذا ما بدكوا توصيل؟
بإمكانكو تستلموها منا في شمال عمّان, تحديداً في منطقة شفا بدران.
شو خيارات الدفع عنا؟
بخصوص تكلفة التوصيل, معليش بس لازم نستلمها قبل موعد التوصيل عن طريق Cliq. لكن بخصوص قيمة العلبة نفسها, ممكن تندفع عن طريق Cliq أو كاش بعد التوصيل.