عن مزحة
إحنا 'مزحة' — فكرة نابعة من الأردن، ومن قلب المجتمع اللي منحبّه ونظحك معه!
شو بنعمل؟ 🤔
ببساطة، بنقدم علب فاضية مطبوع عليها أفكار لمنتجات غير حقيقية, مظحكة، غريبة، وغير متوقعة كـ مزحة! إنت بتختار الفكرة، وبتوصلك أو بنوصلها لشخص بتحبه (أو بدك تمزح معه 😜) كل إشي بنعمله معمول بحب، وهدفنا دايمًا نرسم ابتسامة على الوجه.
ليش إحنا؟ 🎁
- أفكارنا مستوحاة من ثقافتنا الأردنية اليومية.
- بنحترم العادات والتقاليد، وبنحاول يكون مزحنا خفيف دم مش مؤذي.
- علبنا بتتغير دايمًا عشان تناسب كل الفئات والأعمار, وتواكب آخر الأخبار والترندات.
- بنخدم حالياً عمان, وقريباً رح نوصل لباقي المملكة 🚚.
مين رح ينبسط؟ 😍
- الأصحاب اللي بتحب تغشمهم.
- الأخوان والأخوات لما بدك تظحك عليهم.
- الزملاء بالدوام اللي بستاهلوا مفاجأة.
- أو حتى نفسك... ليش لا؟ 🎉
بنحب الظحك، بس كمان بنحترم الخط الأحمر 🚫
بنحاول ما نقدم إشي بمس لا دين، ولا أصل، ولا ثقافة، ولا مشاعر.
كل "مزحة" عنا معمولة بنية طيبة وبأسلوب لطيف.